Kurumbi wone Pasal 1

Pasal 1

Aap Abarakam yoreegerak wone

1.      Ala nen Abaram yoreegerak wone.

Wakkagagerak 12:2-3. Wone yi paga panggombunuk, nok-nok age wobok eeri wororak wone yugu me, liipogo logowok o.

Ala nen Abaram yoge logonet,

    2 Time namenggendak me, Nale’nggen koba pagage logonet, Kat paga nen kanebunu nggwok wigak yuwak nduk eeppagage, Kendage nggwok aruwak nduk tiyappagage, Eeriminggirak paga Aakumi ambik obeelom eeppiige logomunggun o.

   3 It aakumi nen kat obeelom eeppagagwi iinok, An nen it obeelom eerogo piige, Ndi, it aakumi nen kat pulunogo pagagwi iinok, An nen it pulunogo piige, Eeke logogin o. Yi aakumi ndi aakumi o nggween paga yime abok aret Kat paga inale’nggen ambik kogo logogun o,” yinuk, yoreegerak.

Ala nen Wone abuk nggaruk togon Abaram yoreegerak yi aret :

· Apuri wiganak anebenu nggwook eeppege,

·  At endage nggwook eeppege,

· At paga yi aakumi ndi aakumi (bangsa) inale’nggen kogwe, eerugun o, yoragagera. Ti’nuk, Wak. 15:9-21 paga, Ala nen wone abuk nggaruk togon yoge logonet, nggween wogoreegerak.

Ti’nuk, Wak. 17:2-6 paga yoreegerak nogo kobak ogwe iyo, ne ambi paga abuk nggaruk togon yoge logonet, 

·         ( ayat 2) Ombowologwe ambik wogorage,

·         ( ayat 4) yi aakumi ndi aakumi Inombo aret logowak nduk, yoge,

·         ( ayat 7-8) Nggween wogoge eereegerak.

 Wak. Pasal 17 paga wone at Abarakam yoge logonet, “...noone abuk nggaruk togon mbaneegirak...,” noone abuk nggaruk togon mbaneegirak. Ne apit mbanak wonage me, liippogo logonip o.

Ti’nuk, pasal 17 ayat 7, “...wone ti lek arigin lek, mondok- mondok ...wonage.” ayat 8 inom, ayat 13 inom, wone “...mondok-mondok logogin o,” “mondok-mondok logogin o,” mbanak wonage me, At Ala nen Aakumi Iterali kunduk, nit kunduk, “Abet aret yigi,” mbako logowok nduk, pebi-aa’nduk yo’niragagerak.

Wone yi ti, ia me, Wak. 26:3-6. Itak yoge, ti’nuk, wak. 28:13-15, Yakup yoge, eereegerak ti paga wone Abarakam yoreegerak nogo lek arigin lek, mondok aret arigin me, mandenom arigin ti perak liipogo ogorik o.

2.   Amburu mbanak : Abarakam yoge, Itak yogwe, Yakup yogwe, eereegerak nogo amburu mbanak yi liippuwok o.

·         Kobak ogwe iyo, Ala nen “ An pulit nombakwi neyo,” ne ambit paga yoroolik. Kuluk aret yorage nagagerak.

·         Ala nen at aput Yetut paga ninagap ndariyak  wone kooneegerak nogo (Wak. 3:15,12:3) Iterali paga a’me lik yi nawak nduk, aakumi ( bangsa) Iterali miirinabeegerak. “Aakumi Iterali nogo nen saluran berkat untuk bangsa-bangsa lain,” kooneegerak me, miirinabeegerak.  Iterali ti, “pu mbanak” negen, “pipa air” negen, Niyo mbininik” negen logonet, nit kunduk, yi aakumi-ndi aakumi abok aret Obeelom Wone ineenu aruwak nduk, miirinabeegerak.

·Negara-negara nen, “Iterali ninom kumik logowok o,” mbakwi iinok, Ala ale’nggen eeppiige nagagerak  me, ndi, o yogondak eeppinanege agarik-o.

·         Ala wone paga panggonak wonogwe nogo ti, negara-negara abe berkembang eeko menggaarak. (USA), Inggris, Eropa, Australia, Istrael, togop aret.  (Singapore, Nit Papua yime tahun 2010 paga Iterali ninom MOU eereegurak)

-Gereja wuriyak bebas.

-Wone 10 lenggenak tiyappugwi, Pemerintah togon tiyappugwi,

-Hari Minggu Istrahat eekwi,

-Korupsi wigangge logokwak, liippugwi,

-Rapat nggwook eekwi kenok, Tamban eeppunuk mban wone mbanggwi, eeko menggaarak.

Cita-cita Negara abe ti:

-Kemanusiaan tiyappugwi,

-Keluarga tiyappugwi,

-Kejujuran tiyappugwi,

-Kehidupan Manusia tiyappugwi, jihad (mati/wakwi)ti, budaya kematian me, eekwi lek. Panca sila wonage negen mbaki.

ALOM TI,  wone Abarakam yoreegerak nogo eerit nogwe paga, Iterali inom kunik paga, ...nogo a’me aret age menggerak. Ala nen negara-negara ti ale’nggen nen liippiige menggerak.

Negara-negara inandogon ( budaya) Yureyo-Kristen Kenok, alom ti paga Negara-negara alik mendek nen aakumi Iterali mondok ineebi mbako menggaarak. Iterali paga budaya Yureyo-Kristen wiganit wagagerak me. Ndi, nit Negara-negara Iterali ninom kunik kenok, alom ninandogon Yureyo-Kristen me, ineebi lobok ninombako menggaarak.

Ndi, Negara-negara Ala mbo pugwi iinok perak, Ala nen at ambokan mbo piige me, maluk aret age menggerak. Yogondak aakumi o Amerika mendek nen, Ala wone mbo pugwi paga, abu nalop-kalop arit unggwaage agarik o.

Yiom-ndiom ndegen-ndegen eeriyak Ala kooneegerak nogo yi-o.